A
empresa ourensá Sociedad Textil Lonia S.A. promove o mércores 28 de
outubro unha campaña destinada a fomentar o solidario xesto da
doazón de sangue entre os seus traballadores e traballadoras. Con
este obxectivo a Axencia de Doazón de Órganos e Sangue (ADOS)
desprazará unha unidade móbil que estará estacionada dentro do
recinto da empresa das 08:00 ás 16:00 horas para atender a todas as
persoas que desexen participar.
A
Axencia quere amosar o seu agradecemento á dirección de Sociedad
Textil Lonia S.A. polas facilidades ofrecidas para a realización de
iniciativas destinadas a promover a doazón de sangue. Deste xeito,
salientar que as unidades móbiles da ADOS teñen visitado as
instalacións desta empresa ourensá desde o ano 1999, acadando un
total de 1.905 doazóns no transcurso destes desprazamentos.