​A Axencia de Doazón de Órganos e Sangue (ADOS) e os estaleiros Navantia promoven a doazón de sangue a longo da presente semana nas instalacións da empresa.

Unha unidade móbil esta estacionada o martes 20 e o mércores 21 de outubro diante do aparcadoiro da oficina técnica da compañía de 9:30 a 14:30h para facilitar a asistencia de todos os traballadores que queiran participar na doazón. O xoves 22 de outubro, co mesmo horario, a unidade móbil estará diante dos servizos médicos da empresa en Fene.

ADOS ten visitado as instalacións do Grupo Navantia más de 50 ocasións desde 1994, acadando dende esa primeira visita, 1.275 doazóns de sangue procedentes da solidariedade dos seus traballadores e traballadoras.

ADOS quere amosar o seu agradecemento á dirección de Navantia polo seu constante compromiso coas campañas de doazón desenvolvidas pola Axencia, así como a todos os profesionais que participan neste acto solidario.