Santiago de
Compostela, 28 de marzo de 2023. A Axencia de Doazón de Órganos e Sangue (ADOS) e o CB Breogán
colaboran esta semana nunha nova iniciativa conxunta, coa cooperación da
Deputación Provincial de Lugo, para invitar á cidadanía lucense a participar na
campaña de doazón de sangue.
Así, unha
unidade móbil da Axencia de Doazón de Órganos e Sangue estará o día 30 de marzo
na Praza Maior de Lugo en horario de 09:30 a 14:30 e de 15:30 a 21:00 horas.
As primeiras
persoas que acudan a doar sangue recibirán invitacións para poder asistir
gratis ao partido Río Breogán vs joventut de Badalona do sábado 1 de abril, ás
18:00 horas no Pazo Provincial dos Deportes (ata rematar o número limitado de
entradas dispoñibles).
Dende a
Axencia de Doazón de Órganos e Sangue queremos salientar a importancia da
colaboración de colectivos e institucións de todos os ámbitos para acadar unha
conciencia solidaria proclive á doazón como, nesta ocasión, está a impulsar o
CB Breogán e a Deputación de Lugo, xa que se unen os valores positivos do mundo
do deporte á nosa mensaxe, para así poder transmitila con máis forza a toda a
sociedade.