A Axencia de Doazón de Órganos e Sangue (ADOS) e a Fundación RC Deportivo da Coruña están a impulsar unha iniciativa destinada a promover a doazón de sangue entre os seus seareiros e seareiras e a veciñanza da Coruña. Baixo o lema "Doa sangue e marca un golazo", a Axencia e a Fundación convidan a todos os veciños e veciñas da bisbarra coruñesa a doar sangue nos distintos desprazamentos das unidades móbiles da ADOS. Ademais, para agasallar a solidariedade dos doantes, a Fundación RC Deportivo facilitará entradas dobres, a todas as persoas que participen na campaña de doazón de sangue ao longo de esta semana na bisbarra da Coruña, para asistir ao encontro que o equipo do Depor Abanca da liga feminina desputará a vindeiro 25 de outubro. 

A ADOS quere agradecer a Fundación RC Deportivo o seu compromiso e especial sensibilidade a prol do solidario xesto da doazón de sangue e que ten permitido desenvolver iniciativas conxuntas ao longo dos últimos anos. Así mesmo, a Axencia agradece a todos os membros da familia deportivista a súa colaboración e convida a toda a veciñanza coruñesa a participar activamente nesta nova iniciativa.​