​

Este sábado 25 de abril, máis de 1.000 persoas participarán nunha nova edición da Pontevedrada que promove ASAMPO (Asociación de Amigos da Pontevedrada), a andaina solidaria que une as cidades de Pontevedra e Santiago de Compostela e que ten por obxectivo sensibilizar sobre a importancia da doazón de sangue, órganos e tecidos. Esta é a 12º edición desta andaina nocturna que tenta fomentar o solidario xesto da doazón na sociedade galega promovendo, ademais, a actividade deportiva e fomentando hábitos de vida saudables.

A Axencia de Doazón de Órganos e Sangue quere agradecer a todos os membros da ASAMPO a súa contribución á creación dunha conciencia social favorable á doazón mediante a organización de iniciativas como a Pontevedrada ou campañas de información e sensibilización social a prol deste xesto solidario.