​

As instalacións de Alcampo Ferrol acollen este martes 27 de xaneiro unha nova campaña de doazón promovida pola Axencia de Doazón de Órganos e Sangue (ADOS). Ao longo da xornada poderán acudir a doar traballadores, traballadoras, usuarios e usuarias ata a unidade móbil de ADOS que estará estacionada no aparcamento da entrada principal, en horario das 09:30 ás 14:30 horas e das 15:30 ás 21:00 horas.

Desde o comezo das campañas de doazón de sangue en unidades móbiles nesta empresa, as unidades móbiles da Axencia teñen visitado Alcampo Ferrol desde o ano 1994, o que pon de manifesto a dilatada traxectoria de colaboración e compromiso que ten a empresa coas iniciativas encamiñadas a promover o solidario xesto da doazón de sangue. No transcurso destas máis de tres décadas, téñense recollido nas campañas desenvolvidas en Alcampo Ferrol un total de 2.979 doazóns de sangue.

​ADOS quere mostrar o seu recoñecemento á xerencia de Alcampo Ferrol pola súa colaboración e apoio na labor de recollida de doazóns de sangue, agradecemento que fai extensivo a todos os profesionais desta empresa que participan nesta iniciativa solidaria.