A
Axencia de Doazón de Órganos e Sangue agradecerá co agasallo dunha
porción de roscón a todas as persoas que acudan a doar sangue este
venres, 5 de xaneiro, tanto nas unidades móbiles de ADOS como nos
locais de doazón das sete grandes cidades galegas.
Dende
a Axencia de Doazón de Órganos e Sangue queremos convidar a toda a
cidadanía a doar sangue durante a xornada previa ao día dos Reis
Magos, unha data especialmente salientable e na que ADOS quere
agasallar, un ano máis, a todos os doantes de sangue polo seu
altruísmo e inestimable colaboración que permite levar a cabo de
maneira axeitada o intenso labor asistencial dos centros
hospitalarios galegos.