A
casa consistorial de Lalín acolle o mércores 31, ás 19.00 horas,
unha charla sobre doazón de sangue e de medula ósea para informar
e concienciar á cidadanía sobre a importancia duns xestos de
xenerosidade que salvan vidas. Esta iniciativa, na que están
invitadas todas as persoas interesadas, é froito da colaboración
entre a Axencia de Doazón de Órganos e Sangue (ADOS), a Asociación
Galega de Transplantados de Medula Ósea (ASOTRAME) e o Concello de
Lalín.