A Axencia de
Doazón de Órganos e Sangue (ADOS) promove, en colaboración co Concello de A
Estrada, a campaña especial "Verán 2023:Ti es o protagonista” neste municipio
pontevedrés. A iniciativa desenvolverase entre as xornadas de hoxe e maña,
mediante o desprazamento dunha unidade móbil de ADOS ata a Praza do Concello de
A Estrada, que atenderá aos doantes das 16:00 ás 21:00 horas, na presente xornada,
e das 09:30-14:30 e 16:00-21:00 horas o venres 21 de xullo.Non obstante,
na xornada do venres, realizarase unha campaña de doazón de verán que se está a levar a
cabo en máis de vinte concellos galegos, consistente no desenvolvemento dunha
especial escenografía ao carón da unidade móbil de ADOS, despregando unha
alfombra e simulando un set cinematográfico, para, desde xeito
simbolizar o auténtico protagonismo dos doantes de sangue como eixes básicos da
campaña de doazón no período estival.