Dende ADOS resaltouse o talante solidario dos veciños e veciñas de A Laracha que ao longo do ano 2021, efectuaron un total de 561 doazóns de sangue, o que representa unha taxa de 49 doazóns de sangue por cada mil habitantes e ano. Estas cifras, que están dentro das recomendacións da 0MS (Organización Mundial da Saúde), supón estar dez puntos por encima da media de Galicia.

Necesidade continua

O Concello de A Laracha e a Axencia de Doazón de Órganos e Sangue promoverán na próxima semana a colaboración da veciñanza nas campañas de doazón de sangue para asegurar o gran labor asistencial dos centros hospitalarios galegos, que necesitan entre 400 e 500 doazóns diarias. Por iso, dende o Concello de A Laracha anímase á cidadanía a doar sangue mediante o envío de información sobre este xesto solidario.

As temporadas de maior dificultade para a doazón de sangue coinciden cos períodos das vacacións estivais. Por esa razón, desenvólvense accións informativas cos concellos, para tentar garantir unha resposta adecuada co obxecto de cubrir a demanda de compoñentes sanguíneos que necesitan os hospitais galegos. Nesta campaña “Tres millóns de Grazas” encádrase a colaboración que levará en A Laracha unha unidade móbil de ADOS na próxima semana.

Campaña en xullo e agosto

A unidade móbil de ADOS estará na Praza do Concello de A laracha os días 26 e 27 de xullo das 10:00 ás 14:00 e das 16:00 ás 21:00 horas; e en agosto, o día 26 de 10:00 ás 14:00 e das 16:00 ás 21:00 horas, e o día 27 de 10:00 as 14:00. En Caión estará a unidade móbil na Praza o 9 de agosto, de 16:00 a 18:00 horas; e en Paiosaco estará no Campo da Feira, tamén o 9 de agosto, de 19:00 a 21:00 horas, para poder atender a todas as persoas que desexen participar nesta campaña en colaboración coa corporación municipal, coa que se está a distribuír información entre a veciñanza destinada a promover e incentivar a participación neste acto solidario. ADOS lembra que para doar sangue, debemos ser maiores de idade, pesar máis de 50 quilos e non padecer ou ter padecido enfermidades transmisibles polo sangue. 

Evolución na Comarca de Bergantiños

A evolución das campañas de doazón de sangue no pasado ano 2021 tamén estivo condicionada polos efectos das medidas para frear a pandemia da COVID-19. Pero aínda así, na comarca de Bergantiños houbo un ascenso de de dous puntos no índice de doazón por cada 1.000 habitantes e ano. No caso particular do Concello de A Laracha, a súa alta participación permitiulle acadar un índice de 49, catro puntos máis que no ano anterior. 

                  Concello                        Doazóns 2021               Habitantes                       Taxa de Doazón